| Силәрдин ярдәм сораймиз. | |
|
|
«Уйғур авази» гезити, 18 ноябрь 2016 ж.
Аилимиздә Рамиля исимлиқ пәрзәндимиз дунияға кәлгәндә хошаллиғимизниң чеки болмиған еди. Амма көп өтмәйла, дохтурларниң қизимизниң жүриги билән өпкиси дурус ишлимәйдиғанлиғини вә униңға вақтида медицинилиқ ярдәм көрситилмисә, һаятиға ховуп туғулидиғанлиғини ейтти. Хошаллиғимиз ғәм-тәшвишкә айланди. Униң үстигә пәрзәндимизниң ағриқ зәрдавидин кечә-күндүз жиғлишиға чидимиған йолдишим бизни ташлап кәтти. Мана он жилдин буян өзәм ялғуз қизимниң ағриғиға шипа издәш билән болуватимән. Рамиля бир яштин ашқанда қазақстанлиқ дохтурлар униң туғулушидин жүрәк ағриғиға дучар болғанлиғи тоғрилиқ диагноз («Врожденный порок сердца. Единый желудочек сердца. Правосформированное, леворасположенное сердце. Высокая лёгочная гипертензия») қойди. Кейинирәк буни россиялик мутәхәссисләрму тәстиқлиди. Кардиологлар қизимниң жүригини тәкшүргәндә, қорқуп кәткәнлиги шунчиликки, униң жүриги әр йәткән адәмниң жүригидинму йоғирип кәткән. Нәтиҗидә у өпкисини қисивәткән.Қизимниң жүриги билән өпкисини Һиндстанда алмаштуридиған болди. Униңға сәрип қилинидиған 145 миң АҚШ доллирини Қазақстан һөкүмити өз зиммисигә еливатиду. Амма буниңдин ташқири, виза ечиш, меһманханида туруш, тамақлиниш охшаш хираҗәтләр үчүн 12 миң доллар мәбләғ лазим екән. Мунчилик пул мениңдә йоқ. Шу сәвәптин, әзиз қериндашлар, қизимниң һаятини сақлап қелишқа силәрдин ярдәм сораймиз. Ярдәм қолини сунимән дегүчиләр ианисини төвәндики һесап-чотларға әвәтсә болиду. QІWІ кошелек 8-702-586-71-68 АО «Каспи банк» KZ04722R000002935040 ИИН 680818401963 Санийәм ҺАСАМДИНОВА. |
