Open login
Главная Новости Опериға муһәббәт
Опериға муһәббәт
07.05.2017 22:38   

«Уйғур авази» гезити , 4 май 2017 жил

Ахирқи пәйтләрдә сәнъәт мәйданида яшлар өз талантини көрситип, өз тамашибинларниң қәлб төридин орун алмақта. Шуларниң бири – көплигән хәлиқара көрүкләрдә ғалип чиқиватқан талантлиқ яш, опера маһири – Зулияр Қадиров http://www.parvaz.kz/index.php/zuluar-kadyrov .Зулияр Қадиров 1987-жили Яркәнт шәһиридә туғулди. Оттура билимни шәһәрдики Җамбул намидики оттура мәктәптә елип, дәсләп Алмутидики П.И. Чайковский намидики музыка колледжиниң вокал бөлүмидә оқуйду. Музыка дуниясини техиму мукәммәл өзләштүрүшни мәхсәт қилған Зулияр 2009-жили колледжни әла баһалар билән тамамлап, Қурманғази намидики Қазақ миллий консерваториясигә оқушқа чүшиду. У йәрдә оқуп жүрүп, елимизгә даңлиқ педагог Бейимбет Қожабаев, атақлиқ маэстро, хәлиқ артисти, профессор Базарғали Жаманбаев қатарлиқ сәнъәткарлардин тәлим алиду. 2014-жили Эстонияниң Таллин шәһиридә өткән «Tallіnna talentіde» хәлиқара вокалистлар конкурсиға қатнишиду вә биринчи дәриҗилик мукапатқа еришип, лауреат атилиду. Бу утуқтин илһамланған у шу жилила мәзкүр дәргаһниң магистратурисиға оқушқа чүшиду. Бу йәрдә Зулиярға илмий йетәкчилик қилған даңлиқ композитор Қуддус Ғоҗамияровниң қизи Ризвангүл Һасанова болди.

 

Зулияр пәқәт елимиз арисида болидиған чарә-тәдбирләрниңла әмәс, бәлки чәт әлләрдики, җүмлидин Түркия, Германия, Финляндия, Швеция, Латвия охшаш бирқатар мәмликәтләрдики фестиваль-көрүкләрниң һөрмәтлик меһмини вә паал иштракчиси. Зулияр конкурсларғиму турақлиқ қатнишиду. Мәсилән, Бибигүл Төлегенова намидики вокалистлар конкурсиға, композитор Муқан Төлебаевниң 100 жиллиғиға беғишланған жумһурийәтлик конкурсқа қатнишип, дипломант аталди. Дайим һармай-талмай издинишни мәхсәт қилған Зулияр бу күнләрдә қайнақ иҗадий иш үстидә.

 

Бизму өз новитидә талантлиқ уйғур жигитиниң опера сәнъитидә йәниму чоң утуқларға йетип, хәлқимизни дунияға тонутиду дегән үмүттимиз.

Молутҗан ТОХТАХУНОВ.

http://uyguravazi.kazgazeta.kz/?p=29603

 
Интересный материал? Поделись с другими: