Open login
Главная Новости “Сәнәмниң” шатлиғи
“Сәнәмниң” шатлиғи
12.05.2018 13:08   

 

«Уйғур авази» гезити, 4 май 2018 ж.

Йеқинда Қазақстан хәлқиниң бирлиги күни һарписида Астана шәһиридики КазМедиаХолл бенасида җумһурийәтлик «Болашақ жұлдыз» намлиқ өсмүрләр арисида уссул-саз конкурси болуп өтти. Униңға җумһурийитимизниң һәрхил җайлиридин, җүмлидин Көкшетав, Петропавл, Шәмәй, Павлодар, Алмута вә Астана шәһәрлиридин 1130 нәпәр уссулчи қиз-жигит қатнашти. Конкурс башлиништин илгири, мәдәнийәт саһасида үнүмлүк паалийәт елип бериватқан бирқатар шәхсләр уюштурғучилар тәрипидин Пәхрий ярлиқлар билән тәғдирләнди. Андин өсмүрләр яш алаһидиликлири бойичә төрт топқа бөлүнүп, өз һүнәрлирини көрсәтти. Кәч киргичә давам қилған көрүкниң нәтиҗиси бойичә 3-5 яшлиқ өсмүрләр арисида Әмгәкчиқазақ наһийәсиниң Ават йезисидин кәлгән «Сәнәм» ансамбли І орунни егилиди. Бу күни риясәтчиләр ансамбль әзалириниң һәммә җәһәттин жуқури пай топлиғанлиғини елан қилғанда, уларниң беши көккә йәтти. Техи қурулғиниға бәш жилму толмай, егиз пәллиләрдин көрүнүп келиватқан «Сәнәм» ансамблиниң хореографи Жанна Әхмәтова ансамблини қоллап-қувәтлигән барлиқ ата-аниларға өз миннәтдарлиғини изһар қилиду.

Садиқҗан ҚУРБАНОВ, Ө.Муһәммәдий намидики оттура мәктәпниң инглиз тили пәни муәллими.

Әмгәкчиқазақ наһийәси. http://uyguravazi.kazgazeta.kz/?p=34406

 
Интересный материал? Поделись с другими: