Open login
Главная РАСУЛ УСМАНОВ
РАСУЛ УСМАНОВ
29.11.2018 02:08   

ЗНАКОМЬТЕСЬ, УСМАНОВ РАСУЛ

Друзья, как мы все знаем, 19-ого ноября этого года /2018 г./ состоялся сольный концерт артиста известного не только в нашей стране, но уже и всему миру Димаша Кудайбергенова в столице Великобритании Лондоне. Билеты на концерт выкупили за полтора часа с начало продаж. Но главная причина того что мы пишем об этом, это то что вместе с ним, на концерте принял участие наш соотечественник - Усманов Расул. История того, как и откуда они знакомы такова, что Расул всегда интересовался звукозаписывающими студиями, аранжировками. Как только он переехал в Астану, его позвал к себе помощником известный Казахстанский аранжировщик и директор студии BATYSSOUND PRODUCTION - Ерлан Бекчурин. Во время участия Димаша в конкурсе I’m Singer многие заметили в титрах имя Ерлан Бекчурин. Именно он сделал большинство аранжировок для Димаша. Ерлан так же сотрудничает с такими популярными исполнителями Казахстана, как Алишер Каримов, Али Окапов, Жанар Дугалова, братья Жугунусовы и другие. Человек очень талантливый, молодой и открытый. Услышав голос, он предложил Расулу попробовать записать партии бэквокала для Димаша. Благодаря Ерлану, Димаш и Расул стали хорошими друзьями, которые и по сей день выручают друг друга в нужных моментах.

 

 

На сцене Лондона Димаш представил Расула зрителям словами «Мой хороший друг, очень сильный актер, талантливый певец и (шутя)плохой парень, Расул!».

Теперь хотелось бы ближе познакомить вас с Расулом. Расул родился в Алматы и учился в 153-ей многопрофильной гимназии им. А.Розыбакиева. Закончил КазНАИ им.Т.Жургенова факультет «Актера музыкального театра» у Маемирова Асхата Максимовича– Заслуженного деятеля РК, доктора РHD, профессора, ректора КазНАИ им.Т.Жургенова.

В 2016 году открылся новый молодежный театр в Астане «Astana Musical». Был объявлен кастинг для молодых актеров. После кастинга Расул был принят в театр «Astana Musical», переехал в Астану. Позже он закончил КазНУИ в Астане (Шабыт) магистратуру факультет «Режиссер театра».

Усманов Расул является одним из ведущих солистов театра и заведующим труппой – «Astana Musical». Расул сыграл в мюзикле «Ромео и Джульетта» - Тибальта, «Кыз Жибек» - Бекежана, 12 стульев - Остап Бендера и тд.

В настоящее время прошел на кастинг главного мюзикла в стране «Нотер Дам де Пари» где он исполнит одну из главных ролей - Клопэн.

В прошлом году театр «Astana Musical». гастролировал в пяти городах Европы (Париж, Вена, Брюссель, Авиньон, Канны) со спектаклем «Кыз Жибек». Зрители были восхищены такой игрой молодых актёров, что долгое время не отпускали артистов со сцены.

Так же Расул участвовал в Международном конкурсе песен «Песня без границ», исполнив песню на уйгурском языке «Мажнун тал», стал лауреатом конкурса. От чистого сердца желаем Расулу всего самого хорошего, достигать все больших высот. Творческого полета ему! Мы тобой гордимся, Расул!

 

 

ТОНУШУҢЛАР,  РАСУЛ УСМАНОВ!

 

Йеқинда Англияниң Лондон шәһиридә исми елимизниңла әмәс, бәлки дуния мухлислириға яхши тонулған даңлиқ нахшичи ДИМАШ ҚУДАЙБЕРГЕННИҢ  йәккә концерти әжайип жуқури дәрижидә болуп өтти. Мәзкүр концертқа бир йерим саатниң ичидә билетлар сетилип кәтти һәм 47 мәмликәттин миңлиған мухлислар келип тамашә қилди. Йәнә миңлиған тамашибинлар билет тапалмай сиртта қелип кәтти. Хошал болидиған йери шуки, әшу концертқа Димаш билән биллә уйғур жигити - «Astana – Musikal»  театриниң атақлиқ актери Расул Усманов  қатнашти. Димаш билән Расулниң тонушлиғи қачандин башланған? Расулниң ейтишичә, у Астанада һәр қачан аваз язидиған студия, аранжировкилар билән қизиқип жүргән күнләрдә атақлиқ қазақстанлиқ аранжировка ясиғучи һәм  BATYSSOUND PRODUCTION студиясиниң мудири Ерлан Бекчурин Расулни өзигә ярдәмчи қилип алиду. Димаш I’m Singer конкурсиға қатнашқанда Димашниң һәммә нахшилирини Ерлан Бекчурин аранжировка ясиған. Ерлан шундақла Қазақстанлиқ  Алишер Каримов, Али Окапов, Жанар Дугалова, ака ука Жугунусовлар вә башқа эстрада юлтузлири билән һәмкарлиқта ишләйду. Ерлан – өз кәспиниң һәқиқий маһири. Расулниң нахшилирини тиңшиған Ерлан, Димашниң нахшилириниң бэквокалини йезишни Расулға тәвсийә қилиду һәм шу арқилиқ Димаш билән Расул йеқиндин тонушуп, улар достлишип кетиду. Шуниң үчүн Димаш Лондонлуқ тамашибинларға «Расул мениң әң йеқин достум, талантлиқ актер, талантлиқ нахшичи!» дәп тонуштурди. Димаш Қудайбергенниң репертуаридики барлиқ нахшиларниң бэк вокал партиялирини Расул ижра қилған. Димаш билән Расул һәқиқәтән, йеқин достлар. Расул Алмутидики №153 уйғур гимназиясида ана тилида билим алған. Т.Жургенов намидики Қазақ Сәньәт академиясиниң актерлуқ бөлүмидә философия пәнлириниң доктори, профессор, Т.Жургенов намидики Миллий Сәньәт академиясиниң ректори Маемиров Асхат Максим оғлидин тәлим алған. Академияни түгитип, Расул Астанада йеңидин ечилған  «Astana Musical» театриға қобул қилинди һәм  Астанадики Миллий университетниң /КазНУИ/ниң «Театр режиссери» магистратурисини түгәткән. Усманов Расул бүгүнки күндә «Astana Musical» театриниң алдинқи қатарлиқ актери һәм труппа башлиғи болуп паалийәт елип бармақта. У «Ромео Джульетта» мюзиклида - Тибальт, «Қыз Жибек» этно фольклорлуқ мюзиклида –Бекежан, «12 стульев» мюзиклида Остап Бендерниң рольлирини жуқури маһарәт билән ойниған атақлиқ актер. Булту «Astana – Musikal»  театри  Президентимизниң «Рухани жаңғыру» программиси даирисидә Европиниң Париж, Канн (Франция), Берлин (Германия), Вена (Австрия), Брюссель (Бельгия), шундақла Москва (Россия)  шәһәрлиридә «Қыз-Жибек» арқилиқ елимиз сәньитини чәт әллик тамашибинлар һозуриға жуқури дәрижидә намайән қилип қайтти. Бийил август ейида Расул «Қыз – Жібек» спектакли билән Францияниң Авиньон шәһиридә болуп өткән Дунияйүзилик театрлар фестивалиға қатнашти. Расулниң жуқури маһаритигә чәт әллик тамашибинлар гүлдүрас алқишларни яңратти. Бийил елимизниң мәдәний һаятидики әң чоң лайиһә – «Нотер Дам де Пари» мюзиклиға елан қилинған кастингтин муваппәқийәтлик өтүп, мюзиклдики баш қәһриманларниң бири –Клопен образи үстидә ишләватиду.   Шундақла Расул Астанада болуп өткән  «Песня без границ» хәлиқ ара фестивальда уйғурчә «Мәжнун тал» нахшиси билән фестиваль лауреати аталған. Расулни барлиқ достлар, қериндашлар  намидин чин жүригимиздин қизғин тәбрикләймиз! Расулға ижадий утуқлар тиләймиз!

 

TONUSHUGLAR, RASUL USMANOV!

 

Yekinda Angliyaning London sheride ismi elimizningla emes, belkim dunya muhlisiliriga yahshi tonulgan danglik nahshiqi Dimash Kudaybergenning yekke konserti bolup otti. Mezkur konsertka bir yerim saatning ichide biletlar setilip ketti hem 47 memlikettin mingligan muhlislar kelip tamashe kildi. Yene mingligan tamashibinlar bilet tapalmay sirtta kelip kaldi. Hoshal bolidigan yeri shuki, shu konsertka Dimash bilen bille uyhgur jigiti- "Astana-Musikal" teatrining ataklik akteri Rasul Usmanov katnashti. Dimash bilen Rasulning tonushligi kachandin bashlangan? Rasulning eytishche, u Astanada her kachan avaz yazidigan studia, aranjirovkilar yasiguchi hem BATYSSOUND PRODUCTION studiasining mudiri Erlan Bekchurin Rasulni ozige yardemchi kilip alidu. Dimash I'm Singer konkursiga katnashkanda Dimashning hemme nahshilirini Erlan Bekchurin aranjirovka yasigan. Erlan shundakla Kazakhstanlik Alisher Karimov, Ali Okapov, Janar Dugalova, aka-uka Jugunsovlar ve bashka estrada yultuzliri bilen hemkarlikta ishleydu. Erlan- oz kesipining hekikiy mahiri. Rasulning nahshilirini tingshigan Erlan, Dimashning nahshilirining bekvokalini yezishni Rasulga tevsiye kilidu hem shu arkilik Dimash bilen Rasul yekindin tonushup, ular dostliship ketidu. Shuning uchun Dimash Londonluk tamashbinlarga "Rasul mening eng yekin dostum, talantlik akter, talantlik nahshichi!" dep tonushturdi. Dimash Kudaybergenning repertuaridiki barlik nahshilarning bek vokal partiyalirini Rasul ijra kilgan. Dimash bilen Rasul hekiketen, yekin dostlar. Rasul Almutidiki A. Rozibakiev namidiki 153 uyhgur gimnaziyaside ana tilida bilim algan. T. Jurgenov namidiki Kazak Senet akademiyasining akterluk bolumide filosofia penlirining rektori Maemirov Ashat Maksim ogulidin telim algan. Akademiyani tugitip, Rasul Astanada yengidin echilgan "Astana Musical" teatriga kobul kilindi hem Astanadiki Milliy universitetning KazNUI-ning "Teatr rejisseri" magistratursini tugetken. Usmanov Rasul bugunki kunde "Astana Musical" teatrining aldinki katarlik akteri hem truppa bashligi bolup paaliyet elip barmakta.  U "Romeo Djuletta" muzikilida- Tibalt. "Kiz -Jibek" etno folklorluk muzikilida-Bekejan, ",12 ustel" muzikilida Ostap Benderning rolilirini jukuri maharet bilen oynigan ataklik akter. Bultu ",Astana-Musical" teatri Presidentimizning ",Ruhani jangiru" programmisi dairiside Evropining Parij, Kann (Fransia), Berlin (Germania), Vena (Avstria), Brussel (Belgia), shundakla Moskva (Rossia) sherliride "Kiz-Jibek" arkilik elimiz senitini chet ellik tamashbinlar hozuriga jukuri derijide namayen kilip kaytti.  Rasul "Kiz-Jibek" koyulimi bilen Fransianing Avinon sheride bolup otken Duniayuzluk teatrlar festivaliga katnashti. Rasulning jukuri maharitige chet ellik tamashbinlar gulduras alkishlarni yangratti. Biyil elimizning medeniy hayatidiki eng chong layihe-"Noter Dam de Pari" muzikiliga elan kilingan kastingtin muvappekiyetlik otup, muzikildiki bash kehirmanlarning biri-Klopen obrazi ustide ishlavatidu. Shundakla Rasul Astanada bolup otken "Pesnya bez granis " helik ara festivalida uyhgurqe "Mejnun tal"  nahshisi bilen festival laureati atalgan.  Rasulni barlik dostlar, kerindashlar namidin chin jurigimizdin kizgin tebrileymiz!  Rasulga ijadiy utuklar tileymiz!

 

«Notre-Dame de Parіs» мюзикли – қазақ тилида

«Уйғур авази» гезити,  9 январь 2019 ж.

Бәхтишат СОПИЕВ,

«Уйғур авази».

 

Йеқинда Астанадики Течлиқ вә Разимәнлик Сарийида Гиннессниң рекордлар китавидин орун алған дунияға мәшһур «Notre- Dame de Parіs» мюзикли қазақ тилида сәһниләштүрүлүп, бир һәптә давамида миңлиған тамашибинлар диққитигә һавалә қилинди.

Қазақстан Җумһурийити Мәдәнийәт вә спорт министрлигиниң, «Қазақконцерт» дөләт концерт тәшкилатиниң уюштуруши билән қолға елинған бу сәһнә әсәри, елимиз мәдәнийитидики 2018-жилниң әң чоң йеңилиғи сүпитидә етирап қилинмақта.

«Notre-Dame de Parіs» мюзикли дәсләп Парижда 1998-жили сәһниләштүрүлгән. Француз язғучиси Виктор Гюгониң «Notre-dame de Parіs» әсәри асасида вуҗутқа кәлгән мәзкүр мюзиклни жигирмә жил давамида барлиқ Европа театрлири утуқлуқ сәһнигә елип чиққан. Париж, Брюссель, Монреаль, Канада, Женева, Лондон, Милан, Барселона, Беҗин, Москва, Сеул, Сингапур, Люксембург, Гдыня, Анкара охшаш шәһәрлиридә җәми он бир миллиондин (!) ошуқ тамашибин көргән мюзикл дунияниң тоққуз тилиға тәрҗимә қилинған. Қазақстан мәзкүр мюзиклни дөләт тилиға тәрҗимә қилған онинчи мәмликәт болуп һесаплиниду. Бийил июнь ейида мюзиклниң қазақчә нусхисини сәһниләштүрүш үчүн қазақстанлиқ артистларға кастинг елан қилинған еди. Кастингни «Notre-dame de Parіs» мюзиклиниң муәллипи Риккардо Коччанте, режиссери Роберт Мариен өткүзди. «Қазақстанлиқ артистлар мениң көңлүмдин чиқти. Уларни асасән вокал җәһәттин қабилийәтлиригә қарап таллидуқ. «Notre-dame de Parіs» партиялирини иҗра қилиш һәркимниң қолидин келивәрмәйду, лекин биз әң лайиқ дегән үмүткарларни таллавалалидуқ», дәйду композитор Риккардо Коччанте.

Мошу йәрдә биз үчүн алаһидә тәкитләп кетидиған хошаллиқ шуки, талланған артистларниң арисида «Астана-мюзикл» дөләт театриниң талантлиқ актери, «Ромео-Джульетта» мюзиклидики Тибальт, «Қыз-Жибек» мюзиклидики Бекежан охшаш жирик рольлири билән көпчилик тамашибинларға йеқиндин тонулған талантлиқ уйғур жигити Расул Һосманов https://parvaz.kz/index.php/rasul-usmanov бу қетим «Notre-dame de Parіs» мюзиклидики баш қәһриманларниң бири Клопен ролиға лайиқ дәп тепилған. Эсмеральда (актриса Жарқынай Шалқар) исимлиқ гөзәл қиз һәққидики ривайәт, йәни һәқиқий муһәббәт, пак сөйгү һәм наһәқлик, сатқунлуқниң дәһшәтлик ақивәтлирини һекайә қилидиған әсәр үстидә йәтмиштин ошуқ артисттин тәркип тапқан топ қизғин ишлиди. Нәтиҗидә дуния әһлини һәйран қалдурған «Notre-Dame de Parіs» мюзикли пайтәхтимиз Астананиң 20 жиллиқ тойи һарписида тамашибинларға чоң соға сүпитидә тәғдим қилинди. Спектакльниң премьерисиға ҚҖ Мәдәнийәт вә спорт министри Арыстанбек Мухамедиулы вә Францияниң Қазақстандики Пәвқуладдә вә Толуқһоқуқлуқ әлчиси Филипп Мартинэ қатнашти.

Президентимизниң «Рухани жаңғыру» программиси һәм Астананиң 20 жиллиғи даирисидә әмәлгә ашурулған «Notre-Dame de Parіs» сәһнә әсәриниң бу қоюлуми, заманивий Қазақстанниң мәдәнийитидики әң чоң тарихий вақиә. Бу бизниң елимиз үчүнла әмәс, бәлки пүтүн Оттура Азия үчүн чоң йеңилиқ болуп һесаплиниду, – деди Арыстанбек Мухамедиулы. – Бу қоюлумниң алаһидилиги – әсәрдә һүнәр көрситидиған артистларға тәләп наһайити жуқури болди. Қазақстанниң һәрқайси җайлиридин йүзлигән үмүткарларниң арисидин әң күчлүк вокалистлар, актерлар, акробатлар билән уссулчилар «ғәлвүрдин тасқилип» елинди. Кастингни бәш ай бойи жүргүзгән «Notre-Dame de Parіs» мюзиклиниң композитори Рикардо Коччанте, либретто муәллипи – Люк Пламондон, режиссери Роберт Мариен, шундақла французлуқ продюсерлар вә режиссерлар қазақстанлиқ талланған артистларниң маһаритигә жуқури баһа бәрмәктә. Дуния мәдәнийитиниң җәвһиригә айланған «Notre-Dame de Parіs» мюзикли французлуқ шансон билән цыган мотивлиридики аммибаплиққа айланған XXІ әсирниң даңлиқ нахшилири, хореография, акробатлар һүнири һәм қайтиланмас декарациялар билән безәлгән. Мюзиклниң декарацияси Италиядин кәлтүрүлүп, кийим-кечәкләр Қазақстанда тикилди. Мюзикл давамида қазақ тилида орунлинидиған «Belle», «Danse mon esmeralda», «Le Temps des Cathedrales» кәби биз сөйүп тиңшайдиған 50тин ошуқ лирик нахша алаһидә диққәткә сазавәрдур. Вақит синиғидин өтүп, тамашибинниң иллиқ ихласиға бөләнгән мюзикл һечкимни бепәрва қалдурмаслиғи ениқ.

«Қазақконцерт» дөләт концерт тәшкилатиниң мудири Жеңис Сейдолланиң ейтишиға қариғанда, «Notre-Dame de Parіs» мюзикли пат-йеқинда Алмута вә башқа вилайәтләрдики тамашибинларға һавалә қилинмақчи. “Бу жил Өзбәкстандики Қазақстан жили болғанлиқтин, мәзкүр мюзиклни Ташкәнттиму көрситишни мәхсәт қиливатимиз”, – дәп тәкитлиди Жеңис Сейдолла.

“Notre-Dame de Parіs” мюзиклиниң қазақ тилидики нусхисиниң муәллипи – Серикзат Дүйсенғазы. Лайиһә муәллиплири – Шарль вә Николас Талар.

http://uyguravazi.kazgazeta.kz/?p=37572

 

Россияниң театр сәһнисидә – уйғур актери.

«Уйғур авази» гезити 07.01.2021

Йеқинда Россияниң Санкт-Петербург шәһириниң мәдәний һаятида чоң дағдуғилиқ вақиә йүз бәрди. У болсиму Дөләт музыкилиқ-комедия театрида француз композитори Клод-Мишель Шёнбергниң даңлиқ «Мисс Сайгон» мюзиклиниң премьериси намайиш қилинди. Мюзиклни Голландияниң атақлиқ режиссери Корнелиус Балтус сәһниләштүргән. «Бал вампиров», «Голливудская дива» кәби мюзикллар арқилиқ «Золотая маска» хәлиқара театрлар мукапитиниң ғалиби аталған бу режиссерниң исми россиялик тамашибинларға яхши тонуш. «Мисс Сайгон» — К.Балтусниң бу мәмликәттики үчинчи утуқлуқ әмгиги болуп һесаплиниду. Тунҗа қетим 1989-жили Лондонниң «Друри Лейн» театрида сәһниләштүрүлгән «Мисс Сайгон» мюзикли, мана оттуз жил бойи дунияниң әң чоң сәһнилиридә көрситилип кәлмәктә. Мәзкүр әсәр он тилға тәрҗимә қилинған. Германия, Япония, Канада, Венгрия, Австралия, Голландия, Дания, Швеция, Польша һәм Филиппин мәмликәтлиридә сәһниләштүрүлүп, уни жигирмә бәш мәмликәтниң икки йүз қириқ алтә шәһиридә оттуз икки миллион адәм бүгүнки күнгә қәдәр тамашә қилип үлгәргән екән!

 

— Әслидә аталмиш мюзикл бийил май ейида Россия тамашибини билән үз көрүшүши керәк еди. Лекин дуния әһлини техичила тәшвишкә селиватқан пандемия сәвәвидин, у та бүгүнгичә әмәлиятта өз әксини тапмиди. Пәқәт иҗадий коллективниң қайнақ илһам, ғәйрәт билән җиддий ишлиши түпәйли, «Мисс Сайгон» бүгүнки тамашибинларни чоңқур тәсиратқа бөлиди. Роһий чүшкүнлүккә берилмидуқ, биз ахири йәңдуқ! – дәйду һаяҗан илкидики режиссер мухбирларға бәргән сөһбәтлириниң биридә. 
Һәқиқәтән бу йеңилиқни Санкт-Петербург тамашибини толиму узақ күтти. Чүнки буниңдин бир жил илгири елан қилинған хәлиқаралиқ лайиһә бойичә кастингқа Россия вә Оттура Азия театрлиридин йүзлигән актерлар, нахшичилар, акробатлар, балет уссулчилири қатнашқан еди. Режиссер Корнелиус Балтус, хореограф — Ванни Вискузи (Италия), рәссам сценограф – Йоко Сеама (Япония), кийим-кечәк вә гримм бойичә рәссам Кентаур (Венгрия), театрниң музыка рәһбири, дирижери Алексей Нефедовтин тәркип тапқан адилқазилар топи қатнашқучиларға кәспийлик турғусидин жуқури тәләп қойди. Һәрбир артистниң сиртқи көрүнүшидин тартип, униң актерлуқ маһаритини, аваз диапазонини, пластика һәм сәһнә нутқини диққәт билән күзәткән һалда, кастингниң икки басқучидин «тасқилип» өткән артистлар билән алаһидә келишим түзүлди. Мошу турғудин мәзкүр кастингқа қатнашқан қазақстанлиқ артистларниң арисидин өзимизниң уйғур жигити, Нур-Султан шәһиридики Музыкилиқ яш тамашибин театриниң йетәкчи актери, «Сахнагер» мукапитиниң лауреати Расул Һосмановниң https://parvaz.kz/index.php/rasul-usmanov «Мисс Сайгон» мюзиклидики баш қәһриманларниң бири Туи ролиға тәклип қилинғанлиғидин хәвирим бар еди. Расулға нисбәтән режиссерниң ейтқан иҗабий пикри мени техиму хошал қилди.
— Мениң билән һәмкарлиқта ишләшни көп сәньәткарлар арман қилиду. Лекин мән үчүн кастинг — наһайити мурәккәп җәриян. Һәр қетим тамашибинға тонулмиған, йеңи талантларни издәймән. Мошу турғудин алғанда, бу қетим әҗайип көркәм вә сумбатлиқ, яңрақ һәм зил авази билән пәриқләнгән қазақстанлиқ жигитниң сәһнидә биринчи пәйда болушидила, баш қәһриман Туи ролиниң һөддисидин чиқидиғиниға толуқ көзүм йәтти. Расул бу рольни һәтта мән күткәндинму жуқури маһарәт билән иҗра қилди. Шуңлашқиму униңдин чәксиз миннәтдармән – дәйду атақлиқ режиссер. 
Мән буниңдин икки жил бурун «Уйғур авази» гезитида «Ақ йол саңа, Расул!» намлиқ мақалә йезип, яш актерни көпчиликкә тонуштурған едим. Бу қетимму биринчиләрдин болуп, Расулни премьериси билән телефон арқилиқ тәбрикләшкә муваппәқ болдум. 
– Расул, новәттики утуғуң мубарәк болсун! «Мисс Сайгон» мюзикли, шундақла униңдики өзәң яратқан образ һәққидә ейтип бәрсәң? 
– Рәхмәт! Вақиә өткән әсирниң 70-жиллири йүз бәргән. Ким исимлиқ вьетнамлиқ қиз Крисс исимлиқ америкилиқ моряк билән тонушиду һәм уни яқтуруп қалиду. Иккисиниң өйлиниш мәрасимиға туюқсиз Туи (Расул Һосманов) қәдәм тәшрип қилиду һәм вәдисигә вапа қилмиған Кимни қаттиқ әйипләйду. Чүнки Туи билән Ким балилиқ чағлиридин тартип биллә өскән, өйлинишкә вәдиму қилип қоюшқан. Өз сөйгүсиниң висалиға йәтмәк мәхситидә Туи шиддәтлик җәң башлап, Сайгон шәһирини ишғал қилиду, Крисс һәммини ташлап, Америкиға кетишкә мәҗбур болиду. Һәрбий комиссар унваниға еришкән Туи шәпқәтсиз уруш нәтиҗисидә, миңлиған бегуна адәмләрниң һаятини набут қилиду. Әнди бурунқи ойнап жүргән шох яш жигитниң һаятида алаһидә бир бурулуш йүз берип, Туи көзлиридин от чақнап турған, рәһимсиз кимсәгә айлиниду. Лекин у сөйгүси Ким билән учрашқан көрүнүштә, қайтидин сөйгү ишқида азапланған мәҗнун кәби қизниң аяқлириға жиқилиду. Өз муһәббитини һимайә қилиш йолидики күрәшлирини қизға чүшәндүрүшкә тиришиду. Лекин Ким Туиниң муһәббитини рәт қилиду. Чүнки у Криссни яқтуруп қалған. Муһәббити аяқ асти болғанлиғидин ғәзәпләнгән Туи Кимни өзи билән биллә елип кетишкә мәҗбурлайду. Лекин у күтүлмигән йәрдин қизниң қолидин қаза болиду. Әнди Крисс билән видалишишни арзу қилип жүргән Ким, униң өз сөйгүсигә хиянәт қилип, башқа қизға өйлинивалғинидин хәвәр тапиду. Спектакль йәкүнидә Ким бу азапқа чидимай, Туини қәтл қилған пистолет билән өзини етип өлтүриду. Бир еғиз сөз билән тәриплигәндә, «Мисс Сайгон» һәқиқий муһәббәтни күйләйдиған сәһнә әсәри. Шундақла охшимайдиған һәрхил мәдәнийәтләр, диний еқимлар, ирқий бөлгүнчиликләр, урпи-адәтләр, әньәниләрниң бир-бирини етирап қилмай, уларниң өзара шиддәтлик күрәшлири нәтиҗисидики наһәқ қан төкүлүшләр, миңлиған қурван болған бегуналар җәсәтлири залдики тамашибин қәлбигә «Адәмләр, ойлиниңлар! Туғулуп өскән муқәддәс йериңлар һәммидин әзиз. Бир-бириңлар билән урушмай, талашмай яшаңлар. Һаятни қәдирләңлар, у адәм балисиға бирла қетим берилиду...» дегән йүксәк идеяни салиду. «Мисс Сайгонда» мән яратқан қәһриман (Туи) — өзини һәммидин үстүн қойидиған, шәхсий мәнпийитигә еришиш үчүн һәрқандақ қабаһәтликтин янмайдиған яш жигитниң обризи. Спектакльда Туи чоң паҗиәләрниң сәвәпкари сүпитидә гәвдилиниду. Шундақла Туиниң ариялириму интайин мурәккәп һәм чирайлиқ. Мән баштила арман қилған роль үстидә қизғин ишлидим. Икки ай чәтәллик мутәхәссисләр билән янму-ян ишләш җәриянидин һәқиқий мәнада һөзүрләндим. Уларниң ишләш услубидин, актерларға болған чәксиз һөрмитидин бәк қайил болдум. Улар үчүн актер – әң асасий фигура! Һөкүмранлиқ қилмайду, актерға иҗат әркинлиги берилгән. Актер тәвсийә қилған мизансцена, иҗра қилиш манериси, ички һиссият, характер охшаш тәшәббусларни режиссер сәмимий һалда қобул қилиду. Өзиңизгә нисбәтән ундақ яхши муамилидин кейин, сәһнидә бар мүмкинчилигиңиз билән ишләшкә тиришидекәнсиз. Бу сәһнә әсәриниң россиялик нусхисини сәһниләштүргән – Япониядин тәклип қилинған атақлиқ рәссам Йоко Сеама. Рәссам әньәнивий сәньәт элементлири билән, XXI әсирниң әң йеңи технологиялик мүмкинчиликлиридин пайдиланған. Қисқиси, бу әсәрни миң аңлиғандин көрә, бир қетим көргән әвзәл. 
— Бүгүнки пандемия шараитида Қазақстан театрлири тосалғулуқларни баштин кәчүрмәктә. Силәрдә әһвал қандағирақ?
— Россиядиму худди шу әһвал. Театрларда тамашибинниң зални толтуруп олтириши чәкләнгән. «Мисс Сайгонға» декабрь, январь айлириға аллиқачан билетлар толуғи билән сетилип кәткән екән. Шундиму январьниң ахириғичә театрларниң карантинға йепилиши күтүлмәктә. 
Оғлиниң новәттики утуғи һәққидә униң аниси — Қ.Ғоҗамияров намидики дөләт академиялик Уйғур музыкилиқ-комедия театриниң пешқәдәм сәньәткари Гүлбаһар Насирова мундақ дәйду: 
— Расулниң «Ромео-Джульетта», «Қыз-Жибек», «Нотер дам Пари» қатарлиқ мюзиклларда Бекежан, Тибальт, Клопен қатарлиқ жирик образлар арқилиқ пәқәт елимиздила әмәс, Европиниң Париж, Канны, Брюссель, Вена, Берлин һәм Москва шәһәрлиридә Қазақстан сәнъитини жуқури дәриҗидә намайиш қилип қайтқинини көпчилик билиду. Оғлум бу қетимму мениң ишәнчимни ақлиди. Расулға қайил болидиғиним, у һәрқачан мәшиқлинип, үгинишкә, издинишкә тиришиду. Өз үстидин тинмай ишлигәчкә, сәһнидин задила қорқмайду. Җүрьәт билән дадил қәдәм басиду. Бу – һәрқандақ актер үчүн әң асасий нәрсә. Санкт-Петербург тамашибинлириға «Мисс-Сайгон» бу күнләрдә һәр күни дегидәк көрситиливатиду. Вақит шараитим яр бәрсә, бәлким, мәнму берип көрәрмән. Һазирчә биз Расулниң йолиға қарап жүримиз. Ейтмақчи, у икки айдин бери яқа жутта жүргинидә, келиним Аружан маңа қиз нәврә һәдийә қилди, Расулға хуш хәвәр йәткүздуқ. Нәврәмниң исмини Сафия дәп қойдуқ. Демәк, бу күнләрдә Расулни биздин башқа, йеқин достлири, Нур-Султанда өзи ишләватқан театр коллективи вә, әлвәттә, қизи Сафия тәшналиқ билән күтмәктә... 
Өз новитидә бизму уйғур актери Расул Һосмановни қизғин тәбриклигәч, униңға иҗадийәт мәйданида техиму егиз чоққиларни беқиндурушиға тиләкдашлиқ билдүримиз. Барикалла, Расул! 
Хуласә орнида Россияниң иҗтимаий тармақлирида бу күнләрдә «Мисс Сайгон» мюзикли көплигән блогерларниң, театр мутәхәссислириниң қизғин муназирисигә айланди. Төвәндә шуниңға мунасивәтлик ейтилған бирнәччә пикирни диққитиңларға һавалә қилсақ, артуқ болмайду дәп ойлаймиз.
«...Мундақ әҗайип мюзиклниң Россияниң әң чоң сәһнисидә өз ипадисини тепиши – биз үчүн хошаллиқ һадисә. Япониядин кәлтүрүлгән мундақ декорация, чирақлар, спецэффектларни биз илгири-кейин көрүп бақмиған, бу һәқ. Артистларчу! Театр тәнқитчилири қазақстанлиқ актер Расулниң маһаритини жуқури баһалимақта. Расул яратқан Туи – мән үчүн һәқиқәтән чоң йеңилиқ болди! Бу актер өзиниң әҗайип маһарити билән йенидики башқа қәһриманлардинму үстүн болди». Татьяна.
«... «Мисс Сайгон» мюзиклини биз биринчиләрдин болуп көрдуқ! Расул әҗайип талантлиқ һәм келишкән, чирайлиқ актер! У сәлбий қәһриман Туи обризида қанчилигән паҗиәләрниң сәвәпкари болди. Лекин мән Ким билән Туи иккисини бир-биригә лайиқ көрдүм. Ким бәрибир уни яхши көргәнлиги үчүн өзини өзи өлтүрди. Қазақстанлиқ артистларниң һәммиси шундақмиду? Борисова В.
«...Бүгүнки пандемия овҗ алған шараитта дадиллиқ билән башқа әлләрдин келип, бизгә мошу әҗайип мюзиклни тәғдим қилған иҗадий коллективқа апирин! Актер Расулни яқтуруп қалдим...». Лена.

 

Сәнъәттә чегара йоқ


Йеқинда Түркияниң Анталия шәһиридә дунияға тонулған қазақстанлиқ нахшичи Димаш Қудайбергенниң концерти болуп, униңда атақлиқ сәнъәткарниң тәкливи билән уйғур жигит Расул Һосманов https://parvaz.kz/index.php/rasul-usmanov ана тилида «Мәҗнунтал» нахшисини орунлап бәрди. Бу иҗтимаий торларда һәрхил пикирләрни һасил қилди. Болупму Расулниң достиниң миллитимиз намиға ейтқан иллиқ ләвзи оқурмәнләрдә қизиқиш вә қизғиниш отлирини һасил қилғини һечким үчүн сир әмәс.

Бәхтишат СОПИЕВ,

«Uiğur avazi»  гезити, 25.05.23

 

Концерт давамида Димаш: «Биз, қазақлар, бағримиз кәң, наһайити меһриван хәлиқ. Көпмилләтлик елимиздә, худди бизгә охшаш, меһир- муһәббити чәксиз әҗайип милләт бар. У – уйғурлар. Мениң йеқин достум Расул Һосманов әйнә шу милләтниң вәкили. Мән әйнә шу сәнъәтсөйәр хәлиқниң «Мәҗнунтал» намлиқ нахшисини сөйүп тиңшаймән. Пурсәттин пайдилинип, әшу нахшини ағинәмниң орунлап беришини халиған болар едим. Тамашибинларниң мени қоллайдиғиниға ишәнчим камил. Достум, қени бу яққа кәл...» дәп микрофонни Расулға бәрдидә, өзи синтезаторда нахшиға тәңкәш қилишқа башлиди.

– Күтүлмигән бу тәклиптин аң-таң болғиним раст. Чүнки концертниң программисида бу нахша йоқ еди, – дәйду Расул биз билән болған сөһбәттә. – Дәсләп Димашни, адәттикидәк, һәзиллишиватиду дәпму ойлидим. Лекин у мениң сәһниниң төригә келишимни қәтьий тәләп қилди. Униң бу тәкливини, әлвәттә, рәт қилалмидим. Нахшини бар вуҗудум билән орунлашқа тириштим. Димаш жигирмә миң тамашибинниң алдида уйғурларни тилға елип, маңила әмәс, хәлқимгә өзиниң сәмимий достлуғини изһар қилди. У күнки концерт, у дәқиқә мениң жүригимдә мәңгү сақлинип қалиду. Нахша түгиши билән, қучиғимни кәң ечип, Димашни бағримға мәккәм бесип, униңға өзәмниң һәм хәлқимниң миннәтдарлиғини изһар қилдим. Пүтүн зал гүлдүрлигән алқишлар билән орунлиридин туруп, чуқиришип кәтти. Тәрәп-тәрәптин «Ярайсән, Димаш!», «Ярайсән, Расул!» дегән авазларни аңлидим. Узақ яңриған алқишлар икки хәлиқниң достлуғини, инақлиғини мәдһийилигәндәк билинди, маңа.

Расул ейтқандәк, бизму бу көрүнүшни тамашә қилғанда, әң алди билән Димашқа апирин ейттуқ. Иҗтимаий торларда һәрхил милләт вәкиллири Димашниң бу һәрикитигә өзлириниң иҗабий пикирлирини йезип қалдурупту. «Бүгүнки күндә Димаш – түрлүк милләтләрниң бешини қошуватқан йоруқ юлтуз. У хәлиқара сәһнидә достлуқни, иттипақлиқни тәрғип қиливатқан течлиқ мәшьили» дәп йезипту Алена исимлиқ россиялик.

«Расулниң нахша ейтқини – милләтларара достлуқниң әң ярқин бир көрүнүши болди», дәп йезипту түркиялик бир қериндишимиз.

Мошуниңға охшиған нурғунлиған иҗабий изаһларни оқуғансири, сәнъәттә чегариниң йоқ екәнлигигә, йәнә бир мәртә көз йәткүздуқ.

– Димаш билән тонушқан күнләрдин башлап униң нәқәдәр кичикпейил, хушчақчақ, меһриван инсан екәнлигигә көз йәткүзгән едим, – дәйду Расул сөһбитимизни давамлаштуруп. – Биз өй ичи биләнму қоюқ арилишимиз. У бизниң таамлиримизниму қәвәтла яхши көриду. Димаш Алмутиға йоли чүшүп қалса, бизниң өйдин ләңмән яки қаймақлиқ әткәнчайдин дәм тартмай кәтмәйду. Дәстихан әтрапида олтирип, иккимиз узақ муңдишимиз. Униң билән түрлүк мавзуларда мулаһизә жүргүзүш мүмкин. Уйғурниң нахша-сазлириниму һөзүрлинип тиңшайду. Димашниң ата-анилири Қанат аға билән Света тәтему әҗайип дилкәш, меһмандост инсанлар. Мәнму уларниң дәстихинида талай қетим олтарғанмән.

Йәнә бир қошумчә қилидиған йери, бүгүн – Димашниң туғулған күни. У 29 яшқа кирди. Биз, пурсәттин пайдилинип, Димаш Қудайбергенни «Уйғур авази» гезитиниң барлиқ оқурмәнлири намидин туғулған күни билән қизғин тәбрикләп, униңға иҗадий утуқ тиләймиз.

 

ИЛАВӘ: Димаш Қудайберген дуния әһлигә қандақ тонулди? У 5 йешидин фортепианида ойнашқа башлайду. Димаш А.Жубанов намидики музыкилиқ колледжиниң, Қазақ Миллий сәньәт университетиниң түлиги. У серб, итальян, француз, инглиз, рус, хәнзу вә башқа тилларда нахша ейтиду.

Даңлиқ иҗрачиниң сәнъәттики дәсләпки утуғи: 2010-жили «Байқонырдың Әсем дауыстары» хәлиқара фестивалида баш мукапатни йеңивалиду. 2012-жили “Жас қанат” яш иҗрачилар конкурсида Гран-приға егә болиду. Шундақла шу жили “Восточный базар” хәлиқара конкурсиниң, 2013-жили “Мейкин Азия” І хәлиқара фестивалиниң, Витебск шәһиридә өткән XXIV эстрада нахшичилириниң «Славян базири-2015» хәлиқара конкурсиниң, Стамбулда өткән “Abu TV” хәлиқара фестивалиниң ғалиби.

Димаш 2017-жили Хитайда өткән «I’am singer» лайиһисигә қатнашқандин кейин, униң исми техиму кәң тонулушқа башлайду.

2003-жили нахшичи Мэрайа Кэри АҚШниң гимнини 7-октавилиқ Cи нотисида орунлап, рекорд яратти. Арида 4 жил өтүп, нахшичи Адам Лопез C8 нотисида, йеңи рекорд орнитиду. Һә, Димаш Қудайберген 7 октавиға тегишлик Фа нотиси арқилиқ пүтүн дунияни өзигә қаратти.

Димашниң Нью-Йорк шәһиридә өтидиған «Arnau tour ENVOY» концертиға билетлар бир йерим саатниң ичидә сетилип кәткән. Билетларниң 75 пайизини америкилиқлар сетивалған.

https://uyguravazi.kazgazeta.kz/news/49282

 

 

 
Интересный материал? Поделись с другими: