"УЙҒУР ГӨЗИЛИ - 2018"
Автор: Administrator    29.03.2018 00:09    Печать

Қəдирлик достлар! Мана көптин күткəн күнму бəлгүлəнди. "АЛАМƏТ " продюсерлик мəркизи, " ШƏБНƏМ "уйғурниң креатив гүлчирайлар клуби тәрипидин уюштуруливатқан "УЙҒУР ГӨЗИЛИ - 2018"МУСАБИҚИСИ, мəзкүр жилниң, 12-апрель ,саат 18.30. Қ.Ғожəмияров намидики Академиялик Уйғур дөлəт музыкилиқ комедия театрида өткүзилиду.

27 -январь вə февраль айлирида өткүзилгəн таллаш басқучлиридин таллинип елинған 9 гөзəл,омақ, əқиллиқ, талантлиқ қизлиримиз 2 ай мабайинида көп тəйярлиқлар көрди, миллий таамларни тəйярлаш меһман күтүш өрп-адитини үгинип, қол һүнəрвəнчилик сəнъити бойичə билимини ашурди, мана əнди  һəммимиз тəшналиқ билəн күтиватқан ахирқи нишан. Бу йəкүнлүк басқучта күч синап, баш мукапат "ƏҢ АЛАМƏТ, _" УЙҒУР ГӨЗИЛИ -2018 "номинациясигə мүйəссəр болуп, тажə кийип ,мусабиқə ғалиби атилиш кимниң əнчисидə? ..Қени достлар, йүз аңлиғандин бир көргəн əла дегəндəк, һəммимиз қиммəт вақтимизни бөлүп, гөзəл, омақ, талантлиқ сəккиз қирлиқ бир сирлиқ назакəт қизлиримизни қоллап-қувəтлəп уйғур театрға атлинайли!

Мошу мусабиқидə бизни қоллап-қувəтлəватқан; Мəдəнийəт вə спорт министрлигигə, Қазақстан Хəлқи Ассамблеяси, Уйғур миллий ассоциацияси, Қ.Ғожəмияров намидики Академиялик Уйғур дөлəт музыкилиқ комедия театри,Жумһурийəтлик " Уйғур авази " гезити, "Ихсан -А "жəмийəтлик фонди, "Мисс Алмута " лайиһисиниң башчилиғи, видеофотостудия "Best.day.kz", "Пəрваз " ижрачилар бирлəшмиси, "Тəңритағ"телеканали, "Интизар " кафеси, "Əхбарат " журнали , Аркен Абдуважитовқа вə көплигəн уйғур эстрадисиниң чолпанлириға  алий еһтирамлар!