Open login
Главная СУМБАТ ГЕНИЯРОВА
СУМБАТ ГЕНИЯРОВА
08.12.2012 21:33   

Сумбат Ғениярова 1970 жили 18 январьда Маливай         йезисида дунияға келиду. Сумбат, балилиқ чеғидин башлапла, сәньәткә интайин қизиққан, тиришчан киз болуп өсти. Униң аниси Ризвангүл Ғениярова инавәтлик устаз болуп, аңлиқ өмүрини журналистикиға беғишлап тақ мошу күнгичә қәләмни ташлиғини йоқ. Дадиси болса атақлиқ наир вә журналист болупла қалмай, һәқиқий мәнасидики устаз болған. Сумбат дадисидин төрт йешида житим қелип, балилиғи атисини күтү билән отиду. Бирақ көйүмчан аниси төрт балисиға дадиниң йоқлигини билиндурмәй, йоқсизчилиқни көрсәтмәй, балилирини беқип, адәм қилип һәр биригә бир әмәс икки дипломдин тутқузуп келәчәк һаятқа йол ечип бәрди.

Сумбат мәктәптә оқуп жургән пәйтләрдила әдәбият кружоклириға қатнишип, 12 йешида шеир вә мақалиларни йезишқа башлайду. Униң язған шеир вә мақалилири бурунқи «Коммунизм туғи» азирқи «Уйғур авази», «Йеңи һаят» гезитлириға тола бесилип туратти. Шундақла нахша, уссул кружоклириға пүтүн вужуди билән қатнишип сәһнидин чүшмәтти.

 

1987 жили Маливай оттура мәктәпни  пүтүрүп, Алмута Жумһурийәтлик театр-рәссамчилик институтиниң «Театр вә кино актери» бөлмигә СССР хәлиқ артисти, профессор Шолпан Жандарбекованиң синипиға оқушқа чүшиду. Сумбат биринчи курстин башлапла қазақ тилида йетуқ сөзләп , пүтүн спектакльлардики баш ролларни ойнашқа башлиди. Иккинчи курстин тартип Академиялиқ М.Әуэзов намидики театрға актриса сүпитидә қобул қилиниду. Шу жили «Актерлар өйидә» театириғиму актриса қилип ишқа елиниду. Бир тәрәптин оқуш икки бирдәк театрда актриса болуп ишләп оңайға чүшмиди.

 

Диплом қойлумиға Ғ.Мусреповниң «Ақан сері Ақтоқты» - Ақтоқты, В.Шекспирниң «Укрощение строптивой» - Катарина баш роллирини ойнап оқушни утуқлуқ тамамлиди. Оқушни түгәткән жили Жүмһурийәтлик уйғур театри Сумбатни шу театрға ишләшкә тәклип қилиду. Һеч ойланмайла Сумбат уйғур театрға йөткилиду. У йәрдиму театр билән бир қатарда уйғур радиосида музикилиқ редактор, уйғур көрситишлири «Алитғда» - диктор, «Елімай» программисида коментатор болуп ишләйду. 1991 жили Өзбәк-фильм мәсһулати бойичә «Назугум»- фильмда Назугум образини яритиду. Униндин башқа бир нәччилигән уйғур фильмлирида, уйғур чөчәк вә телефильмлириға чүшиду.

Сумбат Ғениярованинң  шеирлири вә мақалилири  «Пәрваз»,   «Интизар»,  «Вәсийәт» шеирлар топлими  «Мәдәнийәт»,  «Қазақстан заман»,  «Қазақ әдебийеті»,  «Сәньәт», «Театр.кз»  журналлириға дайимлик бесилип туриду.

2003 жили Т.Жургенов намидики «Академия искуств»  «Искуствоведение» факультетиниң «Сәньәтшунасилиқ» бөлмигә оқушқа чүшиду. 2005 жили шу академяни қизил диплом билән тамамлап «Уйғур аяллириниң образи театр сәһнидә» намлиқ магистрлиқ диссертация язиду. Ахирида «Сәньәтшунас магистири» намини алиду.

2005 жилидин тартип Академиялиқ М.Әуезов театириға қайтидин кетиду. Өмүрлүк йолдиши атақлиқ нахшичи, композитор, шаир Абләһәт Исламов билән бәхитлик өмүр сүрмәктә. Уларниң Муштәри дегән тәбитидин талантлиқ скрипач, нахшичи қизи бар. Муштәриму ата-аниси охшаш сәһнигә икки йерим йешидин чиқип әмгәк әтмәктә. Һазир болса Чайковский намидики колледжниң дирижерлуқ болмисиниң 1 курс студенти.

Чушкән фильмлири –

«Назугум» (главная роль)

«Айналайын» (в эпизодах)

«Виртуальная любовь» (в эпизодах)

«Семья Ахметовых» (в эпизодах)

«Семья Базарбаевых» (в эпизодах)

«Ата мұра» телефильм (в эпизодах)

«Ирадә»  (главная роль)

«Мәккар» (главная роль)

 

Фотогалерея Сумбат Генияровой  ссылка

 

Предлагаем вашему вниманию художественный фильм  «Назугум»  . Приятного просмотра.

Dim lights Embed Embed this video on your site

 
Интересный материал? Поделись с другими:

Комментарии 

 
+2 #1 Saadat 2013-04-19 12:18 очень хорош. фильм