Open login
Последние новости
МӘН АРМАН ҚИЛҒАН ЮЛТУЗ
21.10.2020 00:26   

МӘН АРМАН ҚИЛҒАН ЮЛТУЗ

«Уйғур авази» гезити 15.10.2020

(Һекайә) автор Гүлнарәм АБЛИЗ.

Асман худди өз қучиғиға елип әркилитиватқандәк, қушлар бирдә у тәрәпкә, бирдә бу тәрәпкә қанатлирини йәлпүп, әркин учуп жүрәтти. Әтрап йешил, қизил, ақ рәңләргә боялған. Димақни ярған чечәкләрниң һиди кишини хошаллиқ туйғусиға бөләтти. Мана у күнни мән мошундақ әскә алимән. У күни бәк алдираш едим. Почта бөлүмчисидин қайтип, йолумни қисқартиш нийитидә, гөдәкләрниң саяһәт беғидин кесип өтүп кетип бараттим. Бир чағда көзүм көргән кишигә көңлүм ишәнмәй, худди аяқлиримни кишәнләвәткәндәк, орнумдин қозғилалмай қалдим. “Көз алдимда турған бу жигит ким? Йәһияға бәк охшайдиғу, сақаллириму өсүп кетипту, кийимлириму топа” дегән ойлар илкидә аста униң қешиға бардим. Титиригән қолум билән мүрисигә уруп, нәччә рәт «Йәһия, Йәһия!» дәп үн қаттим. Униң мени тиңшиғидәк һали йоқ. Хиял деңизиға чөкүп кетипту. Йениға келип олтарсамму, сезәр әмәс. Бу әһвалдин жүригим езилип, әриксиз көзүмдин яш тамчилири домулап чүшүшкә башлиди. Бир вақитта у еғир «уһ» тарттидә, орнидин туруп, алдиға қарап маңди. Товва... Немигә ундақ қилиду? Әттәй қиливатамду, йә? Чидимидим. Ахири авазимниң болушичә «Йәһия!» дәп вақиридим. У маңа бурулуп, бир қаридидә, қапиғини түргән һалда, худди мени уридиғандәк, иштик чамдап, йенимға кәлди. Бир мәһәл маңа тиклинип қарап, җим турғандин кейин: «Бу сизму, достум?» дедидә, қолумдин сөригән пети бәлдиңгә апирип олтарғузди.

— Яхшимусиз? Саләмәтлигиңиз қандақ? Сизни көрмигили узун бопту.

— Мән яхши, өзиңизчу? Әһвалиңиз бәк начар көрүнидиғу?

— Шу, һалим мана, өзиңиз көрүватқандәк. Һаятниң синиғиду бәлким? Бу күнләрму өтүп кетәр.

— Мундақ һалға чүшүп қелишиңизға немә сәвәп болди? Аялиңизғиму еғир келиватқанду, бәлким? Униң әһвали қандақ?

— Аялим... — Йәһия қаттиқ күлүп кәтти.

— Сизгә өмрини беғишлап, қешиңизда яр-йөләк болуп жүргән аялиңиз һәққидә сорисам күлүватқиниңиз немиси?

Йәһия дәрһал орнидин туруп, икки қолини янчуғиға салдидә, әсәбийләшкән һалда йәрдики ташларни тепишкә башлиди.

 

 
Сәһәрдин Йүсүпов - "БӘХИТ ТИЛӘЙМӘН"
16.10.2020 01:12   

Сәһәрдин Йүсүпов - "БӘХИТ ТИЛӘЙМӘН"

АДӘМЛӘРГӘ БӘХИТ ТИЛӘҢ, У ӘҢ АЛИЙ ИНСАНЧИЛИҒИҢИЗ!

Сәһәрдин Йүсүпов https://parvaz.kz/index.php/sakhardin-yusupov - "БӘХИТ ТИЛӘЙМӘН".

Музыкиси - РИЗАЙДИН СЕЙИТОВ.

Сөзи - АБДУЛЖАН АЗНИБАҚИЕВ https://parvaz.kz/index.php/abduljan-aznibakiev

Download Name Play Size Length
download Sakhardin Yusupov – Bakhit tilayman (R.Seitov – A.Aznibakiyev)

3.3 MB 3:34 min

 

 

 
Санийәм Исмаил – Исмидур аял
11.10.2020 19:39   

Санийәм Исмаил – Исмидур аял

Санийәм Исмаил https://parvaz.kz/index.php/saniyam-ismail

«Мән бир аял, Ана һәм қиз пәрзәнт. Ана болуп ата-анамниң қәдрини билдим. Қиз пәрзәнт қөрүп Аллаһниң нәқәдәр улуқлиғини билдим. Әр - зиминниң түврүги, Аял - болса дунияниң зеннити екәнлигини "Дияр" топиниң бәддий рәһбири Нурум акамниң рәпиқиси Гөзәл һәдәмдин  аялдики сәвирчанлиқни һәм зеннәтликни үгәндим. "Исмидур аял" нахшамниң вужутқа келишигә әйнә шу хисләтләр асас болди. Бу нахшамни барчә Ана һәм ханим-қизлиримизға беғишлаймән. Нахшамниң сүпәтлик келип чиқишиға ярдәмдә болған есил адәмләрниң бири композитор Дилмурат Баһаровқа рәхмитимни билдүримән.».

 

Embed Embed this video on your site

 

 
Марклен Агайдаров - Фантазия (инструментал)
03.10.2020 18:39   

Марклен Агайдаров - Фантазия (инструментал).

Еще одна авторская работа талантливого музыканта и исполнителя Марклена Агайдарова https://parvaz.kz/index.php/marklen-agaidarov из Кыргызстана.
Инструментал "Фантазия" (музыка - М.Агайдаров).

Локация съемок «Yamaha sound kg».
Мелодию можно скачать на его личной страничке на сайте сообщества уйгурских исполнителей "Парваз" https://parvaz.kz/index.php/marklen-agaidarov

 

Embed Embed this video on your site

Dim lights Embed Embed this video on your site

 

 

 
«Мәхситим – талантлиқ яшларға имканийәт яритиш»
18.09.2020 12:32   

Санийәм ИСМАЙИЛ: «Мәхситим ­– талантлиқ яшларға имканийәт яритиш»

«Уйғур авази» гезити, 17.06.20,

Йолдаш Молотов

 

Талантлиқ композитор вә иҗрачи Санийәм Исмайилниң https://parvaz.kz/index.php/2012-04-11-15-19-52 исми пәқәт Қазақстандила әмәс, шундақла дуния уйғурлириға яхши тонуш. Чүнки, у иҗат қилған нахшилар сәнъәтхумар хәлиқ арисида наһайити аммибап. Мәсилән, «Мениң исмим уйғур қизи» нахшиси – шуларниң бири. Сәнъәткарниң иҗадида ундақ нахшилар аз әмәс. Униң билән бу қетимқи сөһбитимизму асасән иҗадийәт тоғрилиқ болди.

– Санийәм, март ейидин башлап биз таҗсиман вирусиға мунасивәтлик карантин режимида яшаватимиз. Карантин сәнъәткарларға, шәхсән сизгә қандақ тәсир қилди?

­– Таҗсиман вируси пандемиясини, биз, инсанларға, Аллаһ бәргән синақ дәп ойлаймән. Чүнки, растини ейтқанда, кейинки жилларда инсанлар арисидики мунасивәтләр тамамән башқичә түс елишқа башлиди. Аилидики, дост-бурадәрләр арисидики мунасивәтләр охшаш қәдрийәтләрниң әһмийити йоқашқа башлиди. Әйнә шу әнъәнивий қәдрийәтләрниң маһийитини биз мошу карантин вақтида толуқ һис қилдуқ. Инсан үчүн иҗтимаий торлар билән заманивий гаджетлардин башқа аддий инсаний мунасивәтләр, меһир-муһәббәт, наһайити муһим екән. Униңдин ташқири һәрбиримиз үчүн әмгәк қилишниң, сөйүмлүк кәсип билән шуғуллинишниң нәқәдәр әһмийәтлик екәнлигини яхши чүшәндуқ.

Тәкитләш лазимки, карантин пәйтидә шәхсән өзәм барлиқ тәләпләргә риайә қилдим. Бу – мениң гражданлиқ мәвқәм. Һазир карантин тәртиви юмшитилип, әһвал бираз сағламлашқандин кейин, пәйдин-пәй илгәрки қелиплашқан һаят еқимиға чүшүватимиз.

Карантин пәйтидә бош олтардим дәп ейталмаймән, бираз ишларни әмәлгә ашурдум. Композитор Дилмурат Баһаров билән һәмкарлиқта «Исмимдур аял» лайиһисини тәйярлаватимиз. Шундақла урпи-адәтлиримизгә мунасивәтлик келинни саламлиққа елип кириш әнъәниси һәққидә вә бөшүк нахшисини йезиватимән. Униңдин ташқири, яш талантларниң иҗадийитини рәтләш билән шуғулландим.

 

 
Масимжан Махпиров - "Сөйгүнүм сән"
12.09.2020 13:15   

Масимжан Махпиров - "Сөйгүнүм сән"

Масимжан Махпиров http://www.parvaz.kz/index.php/masimzhan-makhpirov

«Ассаламу алейкум, дорогие Друзья!

От всей души песня для Вас - "Сөйгүнүм сән" (А.Белтай – Б.Абдулаев) в моем исполнении!

Хочу выразить благодарность своему брату Бахтияру Исламову.

Золотой человек, лучший в своем деле аранжировщик, который исполнил мою мечту - Абылай Белтай, мың алғыс!

Мастер своего дела, Человек с большой буквы, который организовал видеоролик и рекламу, помог во всем, поддержал идею - Аркен Абдуважитов.»

 

Embed Embed this video on your site

 

 
«Арминим – миллий киносәнъитимизни бәрпа қилиш»
10.09.2020 01:14   

«Арминим – миллий киносәнъитимизни бәрпа қилиш»

«Уйғур авази» гезити, 10 сентябрь 2020 ж.

 

Анатиллиқ мәктәплиримизни тамамлап, утуқ-муваппәқийәтләргә қол йәткүзгән яшлиримиз арисида Дилшат Иминовниң исмини мәмнунийәт билән тилға елишқа әрзийду. Чүнки униңға әйнә шу өзи билим алған мәктәптики миллий ғурур вә тәрбийә жуқури пәллиләрдин көрүнүшигә һечқандақ сәлбий тәсир йәткүзгини йоқ. Әксичә, иҗабий тәрипи көп болди.

Дилшат Иминов https://parvaz.kz/index.php/dilshat-iminov , 1998 — 2002-жиллар арилиғида Т.Жүргенов намидики Қазақ миллий сәнъәт академиясиниң «Кино вә телевидение» факультетида вә шундақла Пүткүлроссиялик дөләт киносәнъити институтида билим алиду. У дәсләпки әмгәк паалийитини «Южная столица» телерадиокомпаниясидә башлап, һәрхил жилларда «31» һәм «Евразия» телеканаллирида әмгәк қилиду. Һазир кино, һөҗҗәтлик фильмлар билән клип вә рәсим чүширип, шәхсий тиҗарәтчи сүпитидә паалийәт елип бармақта.

Шуни алаһидә тәкитләш лазимки, 2010-жили Дилшат Иминовниң әмгәклиридин тәркип тапқан «Портфолио» намлиқ шәхсий рәсимләр көргәзмиси өткүзүлүп, у тамашибинлар тәрипидин жуқури баһаға еришти. Шундақла у әсәрләр йеқин вә жирақ чәт әлләрдә нәшир қилинидиған журналларда елан қилинди. Шәхсән өз алдиға иш елип беришни мәхсәт қилған Дилшат хәлиқара Арал деңизини қутқузуш фондиниң лаһийисигә қатнишип, немис кәсипдашлири билән һәмкарлиқта «National Geographic» телеканили үчүн бирқанчә һөҗҗәтлик фильмларни чүшәрди. Бу униң чәтәлликләр билән бирликтә атқурған дәсләпки әмгиги болуп, көп өтмәй, түрк кәсипдашлириниң тәкливи билән йәнә бирнәччә телесериал чүширишкә қатнашти.

 

 
«Билип қойғин, Уйғур дегән мошундақ»
10.09.2020 01:12   

«Билип қойғин, Уйғур дегән мошундақ»

«Уйғур авази» гезити, 10 сентябрь 2020 ж.

 

Сәнъәт — хәлқимизниң бебаһа ғәзниси. Шуңа болса керәк, шәхсән өзәм миллий сәнъитимиз дуниясида болуватқан һәрқандақ өзгиришләргә алаһидә көңүл бөлимән. Бу мақалини йезишқиму мошу нәрсә түрткә болди. Ениғирағи, мошу жили иҗра қилинип, яшлар арисида аммибаплиққа айлинип үлгәргән шуарлиқ қериндишимиз Билал Әнвәрниң «Яр саңа» намлиқ нахшиси сәвәп болди. Уқушсам, бу нахшиниң мәтини билән аһаңи Қазақстанда йезилипту. Қизиқ. Буниңдин хелә жиллар илгири Илия Бәхтияниң сөзигә йезилған «Уйғур дегән мошундақ» намлиқ нахшиниң аһаңи тарихий Вәтинимиздә барлиққа кәлгәнлиги ядиңларда болса керәк. Өткән әсирниң 90-жиллири Үрүмчи шәһиридә нәшир қилиниватқан журналларниң биридә Кеңәш Иттипақи язғучи-шаирлириниң әсәрлири бесилған екән. Уларниң арисида Илия Бәхтияниң «Уйғур дегән мошундақ» намлиқ шеириму бар еди. Бу шеирни композитор Абләһәт Аблеким бәк яқтуруп қелип, музыка иҗат қилиду. У нахшини дәсләп ШУАРдики нахшичилар ейтип жүрди. Кейин Қазақстандики «Тәклимакан» ансамблиму уни өзиниң репертуариға қошти. 2000-жили ШУАРдики даңлиқ нахшичи Мөмүнҗан Аблеким бу нахшини қайта ишләп, ейтип чиқти. Бу нахша та мошу күнгичә хәлиқ арисида ейтилип кәлмәктә. Хәлқимиз сәнъити тарихида мәңгү мирас болуп қалған бу нахша мошундақ дунияға кәлгән екән. Мана шуниңдин кейин у икки яқтики уйғурларниң достлуқ көрүгигә айланди.

Әнди биз башта гепини қилған «Саңа яр» намлиқ нахшиниң муәллиплири ким? Бу соалға җавап елиш үчүн көп издәндим. Сәнъәт йолида жүргән талай ака-инилар билән һәмсөһбәттә болдум. Төвәндә уларниң пикирлирини гезитханларниң диққитигә һавалә қилмақчи болуватимән. Билал Әнвәрни қазақстанлиқ уйғурларға тонуштурған ким? У «Uyghur Music» намлиқ каналниң муәллипи Әзизҗан Азатов екән.

 

 
30 август – Конституция күни!
30.08.2020 14:25   

30 август – Конституция күни!

Қазақстан Җумһурийитиниң Конституциясиға 25 жил! Мәйриминлар мубарәк болсун, Қериндашлар!

Қазақстан Республикасының Конституция күні құтты болсын, достар!

30 августа – День Конституци Республики Казахстан!

 


Страница 1 из 187