Абдулла АБДУРЕҺИМ: «Худайим буйриса, ноябрь ейиниң ахирида көрүшимиз»

«Уйғур авази» гезити, 2 октябрь 2014 ж.

Уттур алақә/ Шинҗаң Сәнъәт юрти нахша-уссул  өмигидин җумһурийәтлик Уйғур этномәдәнийәт мәркизигә кәлгән жуқуридики рәсмий мәктүпни тапшурувалғандин кейин биз хәлқимизниң сөйүмлүк нахшичиси Абдулла Абдуреһим билән телефон арқилиқ сөһбәтләшкән едуқ. Гезитханлар диққитигә әйнә шуни һавалә қилишни мувапиқ көрдуқ.— Әссаламу әләйкүм, Абдулла Абдуреһим җанаплири!

— Ваәләйкүм әссалам!

— Сизни туюқсиз жүрәк кесили сәвәвидин ағриқханиға чүшүп қапту, дәп аңливедуқ. Һазир саламәтлигиңиз яхшиму?

— Рәхмәт. Һазир саламәтлигим яхши. Дохтурханида он йәттә күн йетип давалинип чиқтим. Өткәндә Алмутиға меңиш алдида  туюқсиз жүрәк ағриғиға гириптар болуп қалдим. Шуңлашқа силәргә йетәлмидим.

— Әнди қачан кәлмәкчисиз?

— Алла буйриса, мошу жили 17 — 25-ноябрь күнлири Алмутидики Җумһурийәт сарийида көрүшимиз дегән үмүтүм бар.

— Биз Сизни Алмутида тақәтсизлик билән күтүватқан пәйттә «Абдуреһим Турпанда, үзүм мәйримидә жүриду» дегән гәп чиқти.

— Һазирқи учур дәвридә раст-ялған ейтиш қийин нәрсә әмәс. Турпанда болғиним ялған, дохтурханидин чиққинимға техи икки һәптә болмиди.

— Бу қетимқи сәпириңиздә Сизгә кимләр һәмра болиду?

— Мениң билән биллә «Абдулла» ансамблиниң әзалири болиду. Җәми 50 адәм чиқмақчимиз.

—            Ейтқиниңиз кәлсун. Биз Силәрни тақәтсизлик билән күтимиз.

Сөһбәтләшкән Шәмшидин АЮПОВ.

http://uyguravazi.kz/?p=15211#more-15211