Мана санақлиқ күнләрдин кейинла Йеңи жил босуғисини атлаймиз. Демәк өткән жилға бирә тола баһа берип йәкүнләйдиған пәйт кәлди.  Әнди мәзкүр сайтимиз нами билән атилидиған «Пәрваз» уйғур ижрачилар бирләшмимиздә узутуш алдида турған жилимизда чоң утуқларни қолға кәлтүрдуқ. Һәр бирсини атап ейталмисақму тилға аларлиқ дәрижидә йәткүзгән утуқлиримизни атап вә әсләп өтүшни тоғра көрүватимиз. Дәсләп баһар пәслидә әнъәнигә айланған  «Баһар наваси» намлиқ мәйрәмлик концертимизни Жумһурийәт сарайида өткүздуқ. Мәзкүр бирләшмимизниң әзаси талантлиқ яш нахшичимиз Муштәри Исламованиң йәккә концертини Қуддус Ғожамияров намидики Жумһурийәтлик Уйғур музыкилиқ комедия театрида өткүздуқ. Қошумчә ейтип кетиш керәкки Муштәри Шинжаң Уйғур Автоном Районида аммибаплиққа айланған «Ипәк йоли садаси» намлиқ сәнъәт көрүгидә  икки туридин сүрүнмәй өтти. Демәк Муштәри келәр жилиму бизни йәниму хошал қилип мәзкүр көрүктә жуқури чоққилардин көрүнидиғиниға ишәнч билдүримиз. Шуниң билән бир қатарда яшлар вә чоңларниң охшаш алқишиға егә болуп келиватқан сәнъәткаримиз Артур Илахуновниң «Қәлбим наваси» намлиқ йәккә концерти жанлиқ авазда Уйғур театри бенасида өткүзүлди. Жуқурида аталған концертларниң барлиғида залда тамашибин лиқ толди. Шуниң билән бир қатарда «Пәрваз» уйғур ижрачилар бирләшмиси хәйри-сахавәтлик ишларда бу жилиму чәттә болмиди.   «Пәрваз» уйғур ижрачилар бирләшмиси өз паалийитини буниң биләнла чәклимәйду. Демәк, келәр жили чоң хошаллиқлар күтүп турғанлиғиға ишәнч билдүримиз. Һ»р қандақ паалийитимиз силә»р билән чәмбәрчас бағлиқ қериндашлар! Шундақ болудекән келиватқан Қой жилида силәргә бәхит –саадәт, күч-ирадә вә әлвәттә тән-саламәтлик тиләймән. Келиватқан 2015-жилниң һәр бир атқан теңи силәргә яхшилиқ вә бәрикәт елип кәлсун! Йеңи жилиңлар мубарәк болсун, қериндашлар!

Сообщество уйгурских исполнителей «Парваз».