| Шагиртимиз Шатлиққа чоң рәхмәт! | |
|
|
«Уйғур Авази» гезити, 16 март 2015 ж.
Биз, Уйғур наһийәси, Кичик Дехан йезисидики Мөрдүн Тейипов намидики оттура мәктәптә ишләватқан һәм мәзкүр билим дәргаһидин һөрмәтлик дәм елишқа чиққан бир топ ханим-қизлар, бизниң билим дәргаһтин учум болған талантлиқ сәнъәткар Шатлиқ Худайқуловқа https://parvaz.kz/index.php/shudaikulov сөйүмлүк гезитимиз арқилиқ өзимизниң миннәтдарлиғини изһар қилмақчимиз.Йеза адәмлири һәрқандақ сәнъәткарни бир көрүш армини билән яшаймиз. Мөмүнҗан Аблекимму әйнә шундақ биз үзму-үз көрүшкә арман қилип жүргән нахшичилиримизниң бири еди. Бу арминимиз жутдишимиз, өзимизниң қолидин учум болған миллий сәнъитимизниң тәрәққиятиға өзиниң салмақлиқ һәссисини қошуватқан Шатлиқ балимизниң күч чиқириши билән рояпқа чиқти. Бу күни биз шундақла аммибаплиққа айланған “Дәрвишләр”, “Дияр” топлириниң вә бирқатар талантлиқ нахшичиларниң һүнирини тамашә қилиш пурситигиму егә болдуқ. Аримизда устазлардин башлап, едән жуйғучиларму бар. Бу болсиму әйнә шу инимизниң бизгә болған һөрмити. Мундақ соғиға һаятимизда биринчи қетим ериштуқ.
Мөмүнҗан жүрәктин чиққан нахшилири уттур жүригимизгә берип тәгди. Һәр иккила сәнъәткарниң ишиға утуқ, аилисигә хатирҗәмлик тиләймиз. Турсунай ҺӘМӘЕВА, пешқәдәм устаз. |
