Мукарәмгә «Муз-ТВ. Гравитация» мукапити тапшурулди.

«Уйғур авази» гезити, 11 июнь 2015 ж.

Өткән һәптидә пайтәхтики «Астана — Арена» стадионида хәлиқ ара «Муз -ТВ.  Гравитация»  музыкилиқ  мукапитини тапшуруш мәрасими болуп өтти. Униңға исми телетамашибинларға яхши мәлум россиялик юлтузлар Андрей Малахов, Ксения Собчак, Лера Кудрявцева, Максим Галкин вә  қазақстанлиқ нахшичилар Нурлан Қоянбаев билән Әсел Сағатова риясәтчилик қилди. Мәрасим «Россия» һәм «Қазақстан» телеканаллирида уттур  көрситилди.«Муз-ТВ» сәнъәт мусабиқисиниң ғалиплири арисида «Серебро» вә «Виагра» топлири, Дима Билан, Эмин Агаларов, Нюша, Николай Басков, Сергей Лазерев, Филип Киркоров, Ани Лорак охшаш нахшичилар  бар.

Әнди қазақстанлиқ  сәнъәт юлтузлириға кәлсәк, Роза Рымбаева, Нурлан Абдуллин, Қайрат Нуртас, Жанар Доғалова, Али Окапов вә «Астана Балет» театри мукапатқа сазавәрболди.
«Астана Балет» театриға мукапатни тапшурушү чүн сәһнигә Россия сәнъәт юлтузи Светлана Бондарчук билән балет пири Андрис Лиепа тәклип қилинди. Улар иллиқ сөзләр билән «Астана Балет» дөләт театриниң баш режиссери Мукарәм Авакриға мукапатни тапшурди. Мукарәм, өз новитидә, уйғур қизлириға хас кәмтарлиқ вә кичик пейиллиқ билән буниңдин кейин мутиришип  меһнәт қилип, балет сәнъитини риваҗландурушқа  пүткүл билим-һүнирини сәрип қилидиғанлиғини тәкитлиди.
Биз «Астана Балет» театри вә униң рәһбири Мукарәм Сайитһаким қизиниму капат билән сәмимий тәбрикләп, мустәһкәм саламәтлик вә  паалийитигә утуқ тиләймиз.

Абдуллам САМСАҚОВ

http://uyguravazi.kazgazeta.kz/?p=18834