«Уйғур авази» 23 июль 2015 ж.

Кичик талантлар/Талғир наһийәсиниң Гүлдала йезисидики оттура мәктәпниң 4-синип оқуғучиси, шундақла Алмутидики 8-балилар музыка мәктивиниң фортепиано синипида оқуватқан Шахруза Рәһмидинова йеқинда Испаниядә өткән III хәлиқара «Салют талантов» намлиқ конкурсиға қатнишиш бәхтигә муйәссәр болди.Шахруза төрт йешида һәрип тонуғачқа, ата-аниси уни мәктәпкә әтигән бериветиду. Булту у «Рауан» вә «Күншұақ» җумһурийәтлик фестиваль-конкурсларға қатнишип, һәр иккисидә баш мукапат – Гран прини утувалған еди. Мошу жили январь ейида Җумһурийәтлик пианистлар конкурсида болса биринчи орунни елишқа муйәссәр болиду. Шагиртиниң келәчигигә ишәнгән устази Шахинур Сонурова Гүлдала оттура мәктивиниң мудири Қуан Айтбаевниң, Алмута шәһиридики 8-балилар музыка мәктивиниң илмий мудири Людмила Ахметбекованиң, вә, әлвәттә, Шахрузаниң ата-аниси билән бова-момилириниң қоллап-қувәтлиши арқисида уни Испаниядә өткән хәлиқара фестиваль-конкурсқа әвәтти. Шахруза бу конкурста биринчи дәриҗилик диплом билән тәғдирләнди.

Бәхтишат СОПИЕВ.

http://uyguravazi.kazgazeta.kz/?p=19476#more-19476