Қурван һейтиңлар мубарәк болсун!

Қурбан айт мейрамы құтты болсын!

С праздником Курбан байрам!

Мана бәрикәтлик күз айлирида мусулман әһли үчүн муқәддәс мәйрәм һесапланған Қурван һейтиму йетип кәлди. Бу улуқ мәйрәмдә барлиқ мусулман мөмүнләр алди билән дуниядин бақилиқ болған қериндашлириниң бешиға берип уларниң роһиға дуа оқуп, андин йеқин қом-қериндаш вә холум-хошниларниң өйлиридә меһманда болуп яки меһманға тәклип қилип бирликтә жуғи-жәм болуп нишанлайду. Бу күни рәнжишип қалған холум –хошна вә қериндашлар болса бир-биригә кәчүрүмчан болуп инақ жил болудиған күн. Демәк бу течлиқ вә паравәнликниң мәйрими десәкму болиду. Шундақ екән, елимиз мошундақ йүздин ошуқ милләт бирликтә жуғи-жәм болуп барлиғимиз қол тутушуп,течлиқ нахшилирини яңритип тойлайдиған мәйрәм бу. Шуңа пурсәттин пайдилинип, дуния әһлигә өмлүкниң үлгиси болуп келиватқан елимиздә яшаватқан барчә вәтәндашлиримизни бу улуқ муқәддәс мәйрәм билән чин қәлбимиздин тәбрикләймиз. Илаһим, барлиғимизниң өйи кәң дәстиханлиқ болуп, инақлиқниң һули, бәрикәтниң гүли солмиғай дегән тиләкни ейтмақчимиз.

«Пәрваз» уйғур ижрачилар бирләшмиси