«Уйғур авази» гезити, 11 февраль 2016 жил

Дәрвишләр» — уйғур эстрада сәнъитинила әмәс, бәлки Қазақстан эстрадисиниң тәрәққиятиға салмақлиқ һәссә қошуп келиватқан топларниң бири. Он алтә жил мабайнида йеқимлиқ миллий саз-нахшилири билән тамашибинниң қәлб төридин орун елип келиватқан бу топ бүгүнки күндә миллий эстрада сәнъитимизниң карван беши десәк, мубалиғә әмәстур. «Muzzone», «Muzlіfe» телеканаллири тәрипидин уюштурулуватқан конкурсларда мукапатларға еришип, һәрхил номинацияләр бойичә лауреат аталди. Бу, әлвәттә, уларниң иҗадий әмгигиниң  мевиси.

Йеқинда «Дәрвишләр» топи новәттики клипини чүшәрди. Февраль ейиниң ахирида, «Gakku», «Muzzone» телеканаллирида мәзкүр клипниң тонуштуруш мәрасими болиду. Бу қетим «Дәрвишләр» миллий допилиримизни күйләйдиған болиду. «Тюбитейка» дәп атилидиған бу нахша икки тилда, йәни рус вә уйғур тиллирида иҗра қилиниду. Буниңдин бирнәччә жил илгири йоруқ көргән «Саламалейкум» нахшисиму икки тилда ейтилған еди.

Жил давамида «Дәрвишләр» топи  өз мухлислириға көплигән  йеңи лайиһиләрни һәдийә қилмақчи.

Молутжан Тохтахунов-Панжимий

http://uyguravazi.kazgazeta.kz/?p=22488#more-22488