«Уйғур авази» гезити, 9 июнь 2016 ж.

Қазақстанда һаят кәчүрү­ватқан барчә мил­ләт вәкиллири өз тилини, мәдәнийитини, ур­пи-адәтлирини сақлап, уни риваҗландуруш һоқу­қиға егә. Шу милләт вәкиллири қатарида биз, йәни уйғур хәлқи, үчүнму барлиқ мүмкинчиликләр яритилғанлиғи һечкимгә сир әмәс.Бийил елимизниң бар­лиқ җайлирида Қазақ­стан Җумһурийити Мустә­қиллигиниң 25 жиллиғиға беғишланған көплигән тәнтә­нилик мәрасимлар уюштурулуватиду. Шу җүмлидин А.Розибақиев намидики 153-мәктәп-гимназиясидиму көплигән чарә-тәдбирләр уюштурулмақта. Улар мәк­­тәп оқуғучилириниң па­ал қатнишиши билән өтмәктә. Әнди йеқинда болса, мәктәптики  «Шох жигитләр» топиниң әзалири – Илмудин Музәппәров, Имран Иминҗанов, Абдурасул Абдумаҗитов, Ислам Варисов вә Рамзат Мамутов Уйғур театри сәһнисидә ата-анилириниң қоллап-қувәтлиши билән Мустәқилликниң 25 жил­ли­ғиға беғишланған «Мустә­қилликтә яңриған аһаңлар» намлиқ һесават концертини өткүзди. Сәвәви, шу балиларниң үчи бу жили ана мәктәптин учум болуш алдида туриду.

Концерт мабайнида  «Шох жигитләрниң» орунлишида Вәтәнгә болған муһәббәт, Улуқ Ғалибийәт, ана мәктәп, хәлиқ, баһар, муһәббәт, достлуқ вә балилиқ охшаш кәң даирилик мавзудики нахшилар яңриди.

Сабирәм ҖӘМИЕВА.

Алмута шәһири.

http://uyguravazi.kazgazeta.kz/?p=24558