«Уйғур авази» гезити, 06 декабрь 2018 ж.

Камунар Турсунов https://parvaz.kz/index.php/kamunar-tursunov – бүгүнки күндә таланти билән қабилийитини кәң намайиш қилип келиватқан яшлиримизниң бири. У һазирға қәдәр, онға йеқинға нахша клиплириниң муәллипи. Бийил Muzzone телеканили тәрипидин һәр жили уюштурулидиған ЕМА — 2018 сәнъәт көрүгидә дәсләпки үчлүкниң қатарида болғанлиғи сөзүмизгә испат болалайду. Шундақла бийил январь ейида Камунар Яркәнт шәһиридики Мәдәнийәт өйидә «Илһам булиғи» намлиқ топлиминиң тонуштурди.

— «Евразия» телеканили тәрипидин уюштурулуватқан «Тамада battle» телевизиялик көрүгигә тәклип қилғинида, дәсләптә һәйран қалдим. Лекин улар иҗадийитим һәққидә Интернет сәһипилиридин хәвәрдар болғанлиғини ейтқинида, наһайити хошал болдум. Бу көрүккә қатнишишта маңа маддий вә мәнивий җәһәттин қол учини сунған Дилшат Вилиев, Камилҗан Абабәкриев, Самат Сарымбаев, Самат Ескилдиев вә «Fіesta» шоу балет уссул топи қатарлиқ дост-бурадәрлиримгә көп рәхмитимни изһар қилмақчимән, — дәйду Камунар сөһбәтара.

«Тамада battle» телевизиялик көрүги «Евразия» телеканилида йоруқ көрситилди. Камунар баш мукапатни утувалалмисиму, қазилар тәрипидин униң дөләт тилида таза сөзлиши, сәһнидә өзини тутуши билән талантини жуқури баһаланди.

Пурсәттин пайдилинип, биз Камунарға иҗат йолида техиму егиз чоққилардин көрүнүшигә тиләкдашлиқ билдүримиз.

Молутҗан ТОХТАХУНОВ.

http://uyguravazi.kazgazeta.kz/?p=37309