| Мукапат мубарәк! | |
|
|
Мукапат мубарәк! Сабирәм ӘНВӘРОВА, «Уйғур авази» гезити, 19.11.20
Әнъәнивий «Жетісу жұлдыздары» вилайәтлик конкурсида бийилму Уйғур наһийәсиниң яш талантлири мукапатсиз қалмиди. Әлдики вәзийәткә бола, бийил онлайн форматта уюштурулған конкурста наһийәниң шәнини қоғдиған Шахина Әхмәтова (йетәкчиси Рина Теләпова) “Уссул” номинацияси бойичә биринчи орунға еришип, атмиш миң тәңгилик ахчилиқ мукапатниң саһиби аталса, “Эстрадилиқ нахша” номинацияси бойичә Гулшырай Толымбек (йетәкчиси Мунира Мейдинова), Нарболат Қалиев (йетәкчиси Қанат Жанысбаев) үчинчи орундин көрүнүп, оттуз миң тәңгиниң сертификатиға сазавәр болди.
Шахина Чонҗа йезисидики 1-билим дәргаһида, Гүлшырай — Кичик Дехан, Нарболат Қирғизсай йезисидики оттура мәктәптә билим алиду. Қабилийәтлик оқуғучиларниң келәчигидин йетәкчилири чоң үмүт күтиду. Өз новитидә бизму уларниң кәлгүсидә техиму егиз чоққиларни беқиндурушиға тиләкдашлиқ билдүримиз. Уйғур наһийәси. |
