Open login
Главная Новости МЕМОРИАЛ ТАХТА ОРНИТИЛДИ
МЕМОРИАЛ ТАХТА ОРНИТИЛДИ
28.04.2022 20:21   

МЕМОРИАЛ ТАХТА ОРНИТИЛДИ

 

Бүгүн кәспий сәнъитимизниң риваҗлинишиға зор төһпә қошқан пешқәдәм сәнъәткар, Қ.Ғоҗамияров намидики җумһурийәтлик дөләт Уйғур музыкилиқ комедия театриниң даңлиқ сазәндиси, маһир устаз, Бирләшкән Милләтләр Тәшкилати йенидики Хәлиқара әхбаратлаштуруш академиясиниң академиги, хәлиқара фестивальларниң лауреати Азат Мәшүр оғли Бурһановниң https://www.parvaz.kz/index.php/azatim-burkhanov туғулған күни. Шу мунасивәт билән, бүгүн Азат Бурһановниң исмини әбәдийләштүрүш мәхситидә у яшиған өйгә Мемориал тахта орнитилди. Мәдәний һаятимиздики бу муһим чарә-тәдбиргә сәньәткарни тонуйдиған әл-ағинә, дост-бурадәрлири, қериндашлири, Қ.Ғожамияров намидики жумһурийәтлик Дөләт академиялик Уйғур музыкилиқ комедия театриниң бир түркүм сәньәткарлири қатнашти. Жүмлидин Қазақстан жумһурийитиниң Хәлиқ артистлири Гүлвира Разиева, Қ.Ғожамияров намидики жумһурийәтлик Дөләт академиялик Уйғур музыкилиқ комедия театриниң бәдиий рәһбири Мурат Әхмәдиев, театрниң мудири - Қазақстан жумһурийитиниң хизмәт көрсәткән әрбаби, композитор Дилмурат Баһаров, «Нава» фольклор ансамблиниң пешқәдәм сазәндиси Тайиржан Худайбәрдиев вә башқилар Азат Бурһановниң ижадий паалийити, униң инсаний хисләтлири һәм уйғур кәспий музыка сәньитиниң тәрәққиятидики униң әмәлгә ашурған бебаһа меһнәтлири һәққидики әслимилири билән ортақлашти. Сөзлигүчиләр Азат Бурһанов яшиған өй бенасиға Мемориал тахта орнитилишиниң келәчәк әвлатлар алдидики зор әһмийити һәм бизниң инсаний борчимиз екәнлигини бир еғиздин тәкитлиди.

 

 

 

Азат Бурһанов 1940-жили 28-апрель күни Яркәнт шәһиридә дунияға кәлгән. Оттура мәктәптин кейин, 1963-жили Алмутидики П.И. Чайковский намидики музыка училищесини түгитип, сәнъәт йолидики паалийитини «Нава» ансамблиниң сазәндиси сүпитидә башлайду. 1967-жили Уйғур театри йенида тәшкил қилинған симфониялик оркестрға дирижерлуқ қилиду. Өзиниң тәшкилатчанлиқ қабилийити түпәйли театрда өткән әллик жилдин ошуқ вақит мабайнида у театримизниң баш дирижери, «Нава» ансамблиниң бәдиий рәһбири, театримизниң музыка рәһбири, «Нава» ансамблиниң муқам бойичә рәһбири хизмәтлирини атқуруп, сәнъитимизниң гүллинип, хәлқимиз арисидила әмәс, хәлиқара мәйданда утуқ қазинишиға чоң һәссә қошиду.

Гүлбаһар Насирова.

Repost @uighur_theatre_kz

 

 
Интересный материал? Поделись с другими: