Open login
Главная Новости Фестивальға қатнашти
Фестивальға қатнашти
25.10.2022 00:36   

Фестивальға қатнашти


«Уйғур авази»

Алмута шәһиридә көрнәклиқ қазақ язғучиси, драматург, Дөләт мукапатлириниң лауерати Дулат Исабековниң 80 яшлиқ тәвәллудиға беғишланған  II хәлиқара «Исабеков әлемі» намлиқ фестивали башланған еди. Униңға жирақ-йеқин чәтәлләрдин үч театр: Эрзурум театри (Түркия) «Өкпек жолаушы», И. Мачабели намидики Цхинвали кәспий дөләт драма театри (Грузия) «Актриса» спектакли билән вә Мельбурн театри (Австралия) «Бөрте», әнди Қазақстандин М.Әуезов намидики Қазақ миллий драма театри «Жүз жылдық махаббат», Қ. Ғоҗамияров намидики җумһурийәтлик дөләт академиялик Уйғур музыкилиқ комедия театри «Мұрагерлер» һәм Түркстан музыкилиқ драма театри «Бөрте» спектакльлири билән қатнашти.

 

«Исабеков әлемі» театр фестивалиниң асасий мәхсити – елимизниң хәлиқара мәдәний мунасивәтлирини мустәһкәмләш, шундақла Қазақстан театрлириниң дәриҗисини көтириш, драматург билән театр тамашибинлири арисидики мунасивәтни тәрәққий әткүзүштин ибарәт.

 

Фестивальниң йәкүни бойичә Қ.Ғоҗамияров намидики җумһурийәтлик дөләт академиялик Уйғур музыкилиқ комедия театри «Үздік актерлік  ансамбль» номинациясидә ғалип чиқти.  Спектакль режиссери –  Әзизҗан Искәндәров, баш рольларни иҗра қилған артистлар – Реһангүл Мәхпирова, Аминәм Үсәнова, Дилшат Аманбаев.

Бу утуқ билән Уйғур театри мудириниң вәзиписини атқурғучиси Қазақстан Җумһурийитиниң хизмәт көрсәткән әрбаби Дилмурат Баһаров драма коллективини қизғин тәбрикләп, спектакль қатнашқучилирини маддий соғилар билән мукапатлиди.

Надира ӨМӘРОВА,

Қ.Ғоҗамияров намидики җумһурийәтлик дөләт

академиялик Уйғур музыкилиқ-комедия театриниң мәтбуат кативи.

https://uyguravazi.kazgazeta.kz/news/48252

 
Интересный материал? Поделись с другими: