Дорогие друзья, после длительного перерыва молодой уйгурский исполнитель Кудрат Умаров https://parvaz.kz/index.php/kudrat-umarov презентует вашему вниманию свою новую песню
«Болдум интизар»
Музыка – Фирдавс Пазлитдинов
Слова – Сульфи Машрапов
Кудрат выражает огромную благодарность Ризайдину Сеитову, Ильяру Машурову, коллективу студии «Тарона Рекордс» (Ташкент) Бахрому Сабирову, Бегзоду Ибайдуллаеву, Отобеку Джураеву и всем другим, кто принимал участие на всех этапах записи и создания этой прекрасной песни.
Құдыс Қожамияров атындағы Республикалық мемлекеттік академиялық ұйғыр музыкалық комедия театрында белгілі жазушы-драматург Дулат Исабековтің «Мұрагерлер» атты қойылымы қазақ тілінде сахналанды. Бұл қойылымның премьерасы осыдан бес жыл бұрын көрермен қауымға ұсынылып, бүгінгі таңда театр репертуарынан берік орын алған. Аталған туынды психологиялық драма болғандықтан, оқиғаның өрбуі көрерменнің жан дүниесін баурап, ой мен сөз, іс-әрекет арқылы уақыт пен қоғам шындығын, өзгеріп жатқан адамдар мінезін, болмысы мен табиғатын айна-қатесіз суреттейді.
Қалың көпшілікке кең тараған танымал туындыны ана тілімізде сахналауға кез келген өзге ұлт театрлары тәуекел ете бермейтіні шындық. Өйткені қойылымның мазмұнын ашу мен образдарды жасау үшін, ең алдымен, тіл тазалығы мен ой тұнықтығы керек. Сахнадағы әртістердің тілді сезініп ойнауы, әр сөз бен сөйлемге интонация беруі, автордың айтайын деген ойын өз тілінде және табиғи қалпында жеткізуі шеберлік, кәсібилік дейтін ұғымдармен астасып жатқаны көрерменге ерекше әсер сыйлады.
Жалпы қойылым кейуана әже Сәлиханың бастан кешкен оқиғаларына құрылған. Екі баласы майданға аттанып, хабар-ошарсыз кеткен әжейдің бар мұңы солардың аман-есен оралуын үміт етіп, күн кешумен болады. Осы кезеңдерде қарт әжейдің өміріне шуақ сыйлап, шаңырағына кездейсоқ келіп қалса да, өз баласындай бауыр басып кеткен Төрехан бейнесі Сәлиха әжейдің көз алдында шын мәніндегі биік адамгершіліктің, рухани тазалықтың өлшеміне айналып шыға келеді. Уақыт өте Төрехан Сәлиха әжейдің үйіндегі қызымен көңіл жарастырып, отау құрады. Алайда «жазмыштан озмыш жоқ» демекші, екеуінің де тағдырлары ұзақ болмай, аянышты аяқталады. Сәлиха әжей басына түскен қиындықтың бәріне көніп, шаңырағында жападан-жалғыз өмір сүріп жатады. Дәл осы сәтте қулық-сұмдыққа құрылған оқиғалар екпін алып, қарт әжейдің жан-дүниесіне азап әкеледі. Ол Төреханның қарындасы Сызғанова ханым мен оның күйеуі Сызғанов. Мақсаттары – заңнан мүлдем хабарсыз Сәлиха әжейдің үйін мұрагерлік жолмен тартып алу. Дәстүрлі қоғамда қалыптасып, өмірдің барша құндылықтары адамгершілік пен адалдыққа, тазалыққа негізделген Сәлиха әжейдің көзқарасына, өмірлік ұстанымдарына қарама-қайшы әрекеттер жан дүниесіне қаяу салады.
